30 صفر، 1429 هـ

بيت العز يا بيتنا

هالأيام على قد ما أنا مشغوله بتأثيث البيت
وتقريبا ماخذ أغلب وقتي ويومي
إلا أني مبسوطه الحمدلله ومستمتعه
بالبيت الملك شعوري بالأستقرار وراحة البال
بعد طول أنتظار وتجربة الإيجار المريرة
كنت أحلم بالشراء من زمان والآن ربي رزقنا فيه
تسوق يومي
البحث عن كل مفروشات جديدة ومميزة لازال مستمر
أطلع من العصر وما أرجع إلا بالمساء أدور سريري المزدوج
ومن كثر التعب أتخيل لو الغرفه كلها سرير عشان أستلقي عليه أول ما أدخل غرفتي :)
لكل من يحب ايكيا
راح الكثير
باقي نص البيت ما كمل بنحاول نكمله بأقرب فرصة
مع أني أزور بيتنا الجديد كل يوم
لكن بمجرد ما أروح عنه أشتاق أرجع له
أتمنى يكون لي فيه ذكرى حلوة
الحمدلله أولا وأخرا

هناك 12 تعليقًا:

عبدالملك يقول...

ما شاء الله , أولاً وأخيراً عسى الله أن يجعله منزل مبارك وان يسدد خطاكم لكل خير , جميل جداً تأثيث البيت يضيف بعض المتعه في الحياة ولكنها متعبه جداً ههههه على كلامك

بالنسبة لي إيكيا صراحه رهيبه في بعض الأشياء فمثلا انا شريت للصاله من ايكيا طلعت بشكل عصري حديث طاولات اللي تتعلق بالجدار كأنها خشبه وجمبها دواليب معلقه بالجدار والطاوله عليها تلفزيون مسطح Sony Brivia ولأنه مسطح اصبح شكله رائع ومناسب مع الطاوله الخشبيه اللي مقدمتها صغيره جداً وطولها يتناسب مع الشاشه

طبعاً غير الإكسسوارات الإضافية اللي تزيد جمال الشكل العصري

مثل مزهريه وفيها ورده وحده كبيره ألخ ...

بالنسبه للكنب اللي عندهم حلو ومريح جداً لكن صغير مره ما اشوفه يناسب لأمكان كبيره او مساحة واسعه ..

بالنسبه لغرفة النوم لإيكيا روعه مره

Amal يقول...

جعله الله سكنى خير و امان..

كائن حي يقول...

المصمم المبدع عبدالملك الثاري
أهلا بك في مدونتي منور الدار :)
أخي الله يبارك فيك ويرزقك من حيث لاتحتسب ... وصدقت ايكيا للمودرن زين لكن كفخامة ماينفع ...
وملاحظتك على الكراسي عندهم أنا معك فيها...
أتمنى لو عندك محل غير تذكره لي
تسلم على المشاركة

كائن حي يقول...

هلا أختي Amal
الله يغنيك بفضله وشكرا للدعاء
وأتمنى كل السعوديين بالذات عندهم بيوت حلال عيب البلد الأول المصدر للبترول شعبه حول العشرين بالمئه فقط يملكون منزل !!

سامي منصور يقول...

مبارك المنزل إن شاء الله
الله يعينكم على التأثيث ...
أنا نقلت على غرفة و انهد حيلي مع النقل مع إنه كلها غرفة وحدة.

لكن أهم شي إنه الله يهدي بالكم فيه ... ويكون بيت السعد عليكم بإذن الله

دمتي بود وراحة بال

Faisal يقول...

مبرووووك ألف ألف مبروووك
عقبال قصور في الجنة بإذن الحي القيوم
الحمدلله أنك وجدتي راحتك في منزلك الأن
والله معاناة حتى لو كان المنزل المستأجر فسيح إلا أن مسألة الإيجار بصراحة تضيق الصدر شوي لأن أسبابه كثير أوله الجيران. وكل مرة نبني علاقة جديدة وحووووسة (على فكرة أنا لا إستأجرت ولا شي موجود عند أهلي خخخخ)

الله يجعله بيت يملأه النور والصلاح

layal يقول...

ربنا يجعله لكم بيت عز
ويجعله بيت خير ان شاء الله

عماد الدين يقول...

بالتوفيق لكم في مسكنكم الجديد وجعله بيت أمان واستقرار واللهم أرزق غيركم بما نلتم واحفظ بيتكم من كل شر

كائن حي يقول...

هلابك سامي منصور
الله يسعدك ببيتك الجديد ويرزقك ببنت الحلال ...
منور ياسامي

كائن حي يقول...

هلابك فيصل
الله يبارك فيك ويجزاك ألف خير
ومن بيت الأهل للبيت الملك إن شاءالله
أما الجيران هذي قصة لوحدها.. حاليا تغيروا الناس ماعاد تعرف بعض مثل أول ولا يهتموا..
سررت بمشاركتك

كائن حي يقول...

هلابك layal
الله يجزاك خير ويعطيك أكثر من ما أمانيك ...
جميله زيارتك

كائن حي يقول...

هلا بك عمادالدين
الله يرزق الجميع ويغنيهم
ويسعدك دنيا وأخره ..
شكرا للدعاء والمشاركة