١ صفر ١٤٣٢ هـ

النظافة من الإيمان



يفترض أن النظافة سمة عامة في مجتمعنا العربي والأسلامي خاصة ...

لكن كورنيش جدة يشهد العكس تماما للآسف
يوجد سلات للنفايات منتشرة على طول الكورنيش
ومع ذلك ما أكثر النفايات على الأرض هناك !

أتمنى يطبق قانون صارم يعطي مخالفه مالية لكل من يرمي النفايات في آي مكان عام
حتى لو صار كنظام كاميرات ساهر
:)

هناك ٤ تعليقات:

فيصل يقول...

للأسف يااختي حنان...
على الرغم من اننا ننعم بأعلى الميزانيات ولدينا كنز تحت الارض...

اصبح توجه الدولة الى انضمة تعسفيه كنظام ساهر في الشوارع وتدبيل المخالفات...والتي تهدف الى شفط ماتبقى في جيب المواطن... وتزيد مصادر دخل الدوله!!

====
ملاحظه
لاحظت في جده على الرغم من ان شركة البيك هي من قامت بحملة نظيف وورطان... الا انني لم امر في شارع من شوارع جده الا ووجت ذاك الكيس مرميا في زاوية او اخرى...ليذكرني انني لا ازال في جده وان ((جده غير!!))

تحياتي لك ولتدوينتك المميزه :)

حنان يقول...

هلابك فيصل
صراحه الناس عندنا ماتطبق آي قانون إلا إذا صار فيها غرامة ماليه :)
صحيح نظام ساهر بالبدايه ممل بس جاب نتيجته على الأقل اصبحنا اقل حوادث ..
الهدف منه خدمة المواطن وليس العكس..
لكن لأننا سنين تعودنا على العشوائيه ولامبالاة بالآنظمه نستصعب اي نظام جديد..
لو تفكر فيها كويس تلاقيها من مصلحة الجميع بالنهاية.. مفروض نتطور زي دول العالم .. هناك الناس تسوق بآمان ماتطلع لك سياره فجأة فوق رصيف مثلا عشان ترجع من نفس الشارع او عشان تختصر الطريق :)
أو يدخل عليك احد من اقصى اليمين لليسار يشتت انتباهك ممكن يسبب لك حادث لا سمح الله...
تعبنا والله يافيصل نكون على اعصابنا في آي مشوار نطلع له لحد مانرجع :)

بعدين انتم ليه زعلانين لاقين احد يصوركم ببلاش :)


البيك الله يبارك له مطعم محبوب لمختلف طبقات المجتمع صراحه اتمنى بالمستقبل يكون ينافس ماكدونالدز ليه لا ..
بس المشكله مو من البيك الناس اللي تاكل مضيعه النظافه جد ..
دمت بخير

KHALED يقول...

K H A L E D

صباح الخير ايتها الحنان
النظافة اقرب ماتكون للثقافة منها للتقنين ، وفعلا ما نراه في جده مؤلم وسبق لي زيارتها قبل حوالي السنة ومررت بالخطأ ما يطلق عليه مسمى كورنيش وأتوقع ان كورنيش أي منطقة أكيد انه واجهتها وأحد أهم معالمهاولكن ما وجدته كان صدمة بجد بحثت عن أقرب طريق للخروج من هذا الكورنيش ولا تقل عنه سوءاً الكثير من الشوارع والأحياء بجدة ،
أحب جدة ايتها الحنان يكفي تواضع أهلها الجم وبساطتهم أحب أسمع الكلام الجداوي وأستمتع بالسوالف مع أهل الغربية .أتمنى من الله أن تعود العروس عروساً كما كانت في ذاك الزمن وبمقومات تنافس عرايس العالم أجمع .

سليميلي على محبوبتي جدة وأهل جدة :)

حنان يقول...

مساءالخير خالد
نتمنى تعم هالثقافه عندنا مااعرف ليه
الشعب السعودي كثير منهم مايحب يعيش بنظام !
جدة لو ارادوا لها تكون عروس البحر فعلا من زمان صارت.. بس في جدة اي مسمى توقع عكسه:)
مثلا بحيرة المسك وهي عن المسك بعيده
وعروس وهي مدينة ملوثه بكل ماتعنيه الكلمه رغم حبي لها لكن هذه الحقيقه.. نقول الجاي لجدة بيكون غير للأفضل يارب
واهلا فيك مدون دائم :)